2024 ел Россиядә Гаилә елы дип игълан ителде. Шул уңайдан «Салават күпере» журналы «Яраткан гаиләм» рәсем бәйгесен башлап җибәрә. Бәйге 2024 нче ел июль – 2024 нче ел декабрь аралыгында үткәрелә. Әлеге бәйгедә «Салават күпере» журналына язылучы гаиләләр катнаша ала. Бәйге шартлары буенча катнашучылар үзләренең гаилә рәсемнәрен 2024 елның икенче яртыеллыгына язылу турында квитанция белән salavatkupere@mail.ru электрон почтасы аша җибәрергә тиеш. Нәтиҗәләр ясау вакыты – 2024 нче елның 20 декабре. Очраклы саннар генераторы ярдәмендә сайланган рәсемнәр журналда урын алачак. Уңышлар юлдаш булсын!
